《火童》單張仍在人間？

今天經過百老匯電影中心旁邊的Kubrick，入去逛了一會，發現居然仍然罷放著《火童》的單張，感覺很得意。
看到的時候，本想做個好心把它們拿走，不要阻礙別人的地方；但又心想，就讓它們繼續留在那裡，即使已經過了期，讓更多人看到總是好事呀！

立體書大師網頁

我唔敢講自己對Pop Up Book好有研究，但都算接觸過不少，令我印象最深刻既係由一名叫Robert Sabuda o既人所設計o既所有立體書！《火童》立體書有D「機關」都有「參考」佢o既作品(:-p)。

佢有本新作名為Encyclopedia Prehistorica Sharks and other Sea Monsters，最近於Page One見到，急不及待買左！

形式同上一本講恐龍o既係一樣。呢本唔係故事書，係Encyclopedia，資料性多D。但因為係Pop Up，所以一頁頁打開，就好似入左博物館咁，好得意！

不過本書賣成二百五十幾蚊，雖然兌返原本英鎊個價差唔多，但都幾重皮！

我以前試過搵人幫我上Amazon.com買返呢位大師既舊作(搵人幫係因為我無信用咭，所以好多謝呢個人...hehe），計返原本標o既價抵過香港買，有時仲會平過原價添！我仲記得寄黎o既時候包得好好，所以唔驚運送途中整爛！有興趣o既朋友可以一試架！:-)

仲可以瀏灠呢位大師既網頁(http://www.robertsabuda.com)，除介紹佢D書之外，仲有好多其他野睇，例如有教人做Pop Up咭，可以自己down load印出黎整！

從「鬼域」回來的《火童》網誌！

《火童》已經演完了兩個多星期，世界盃也結束了，我的世界彷彿又回復平靜。

回復？難道以往的日子都是「平靜」的嗎？當然不是，只是相對這個六月來說，最近的生活，又或是之前的生活，都是較為「平靜」吧。

投入「創作人」的角色令我很興奮！為自己所喜歡的事努力及專注，是很奇妙的經驗！我竟能有多次超過廿四小時不眠的紀錄（但沒有很強烈想休息或睡眠的意欲及需要）！除了留在家中製作立體書外，更要出席綵排！絕對是挑戰個人的極限！雖然有點辛苦，但卻十分過癮！

演出完結後，知道要回復「燈光人」身份……真不捨得！

自己常常上這個網頁看看，發現除了自己瀏覽的次數外，數字仍有上升，雖然升幅很少，感覺仍有人來上這個網！

原本這網誌只是宣傳的工具，這現象令我覺得「他」有點生命的氣息！在不知不覺間，「他」在一個虛疑的世界中生存下來！

或許受到電影《鬼域》的教悔，我不想把這個網誌遺棄在「鬼域」之中！很可憐吧！

我決定延續「他」的生命！